مہر خبررساں ایجنسی کی رپورٹ کے مطابق، ایرانی وزارتِ خارجہ کے ترجمان اسماعیل بقائی نے آج پریس کانفرنس سے خطاب کرتے ہوئے کہا کہ آج ہم اپنے ان ہموطنوں کے عزادار ہیں جن کی جان موساد کے ایجنٹوں نے بے رحمی کے ساتھ لی اور اسی لیے حکومت کی جانب سے تین دن عام سوگ کا اعلان کیا گیا ہے۔
اسماعیل بقائي نے کہا کہ یہ بات یاد رکھنے کی ضرورت ہے کہ جب کاروباری طبقے نے معاشی معاملات پر احتجاج کیا تو حکومت نے اس کا خیرمقدم کیا لیکن گزشتہ جمعرات سے اس معاملے نے بلوے اور امریکی اور اسرائیلی حکام کی مداخلت سے مسلحانہ شکل اختیار کرلی اور صیہونی حکام نے کھل کر کہا کہ موساد کے ایجنٹ ان کے بقول عوام کے ساتھ ہیں۔
انہوں نے ان حالات کو دراصل غاصب صیہونی حکومت کے ساتھ جنگ کا تیرہواں دن قرار دیا اور کہا کہ صیہونی حکومت اور امریکی مداخلت کے واضح اور اٹل ثبوت موجود ہیں جن کو دستاویزات کی شکل میں تیار کرکے پیش کیا گیا ہے اور جائے گا۔
ترجمان وزارت خارجہ نے بتایا کہ مسلح دہشت گردوں نے بنیادی تنصیبات، طبی مراکز، ہسپتالوں اور ثقافتی مراکز کو بھاری نقصان پہنچایا، متعدد شہریوں من جملہ ایک نرس کو زندہ زندہ جلانے جیسے بہیمانہ جرائم کا ارتکاب کیا۔
انہوں نے کہا کہ دہشت گردوں کے ہاتھوں ایسی بے رحمی اس سے قبل داعش عناصر کے ہاتھوں دیکھی گئی تھی۔
آپ کا تبصرہ